Poblado: Viana_del_Bollo
|
COMPARSAS Adoitaban participar nos desfiles ou percorrer as aldeas en solitario animando e levando a súa música e disputas a tódolos veciños do lugar. Estas comparsas estaban compostas por varios personaxes: - DIRECTOR: vestía traxe que o diferenciaba do resto dos compoñentes do grupo musical, e marcaba os percorridos e a música que se tocaba durante os memos. - MÚSICOS: acompañaban uniformados ó director seguindo as súas ordes e tocando os diferentes instrumentos (xeralmente percusión, metal e gaitas). - O PAIASO E A SEÑORITA: saudaban ós espectadores amosando os seus traxes e dotando á formación de colorido e vistosidade. Adoitaba ser un home o que ía vestido de señorita. - OS BOTEIROS: sempre eran dous os Boteiros que abrían paso á comitiva, anunciando co son das esquilas e os seus chimpos (valéndose da monca) a chegada da comparsa. Esta singular formación facía diferentes paradas nas que recitaban as famosas “Disputas” (escritos en verso que repasaban a actualidade dun xeito humorístico e desenfadado).  Nota: foto base recollida na web de Pixeiros. (Montaxe Carlos Ares).    |
|||||||||||
